انا مش عارف ابدأ كلامى منين يا شباب .. بس انا هخش فى الموضوع على طول
بصراحه اللى احنا عملناه انهارده ده حاجه وحشة جدا
احنا مصدقنا الشعب المصرى اتوحد حوالين ثورة عظيمة اطاحت بالفساد ومازالت
نقوم احنا نشتم شيكابالا و نستمر فى الاغانى اللى هتعمل تعصب من تانى و ترجعنا خمسين سنة لورا
ياشباب بعد ازنكو عاوزين نحافظ على الصورة الحلوة اللى عملناها فى ماتش الترسانة
عاوزين نشجع الاهلى فقط بلاش شتايم والنبى .. هناخد زنوب .. و هنسقط فى نظر الناس .. وهنعمل تعصب
لو سمحتو يا شباب خلينا نبدأ حملة لالغاء الشتايم فى الملاعب
لان والله الناس لما بتسمع الشتايم اللى بنقولها دى بيقولو علينا قللات الادب
اتمنى من كل كابوهات الجروب محدش يشتم بعد ازنكو بعد كده
لان الجروب الافضل فى افريقيا لازم يكون الافضل من جميع النواحى
يارب الكلام ده يوصل للكابوهات الجامدين بتوعنا و نبطل شتايم بالله عليكو
اتمنى محدش يزعل من كلامى بس انا بنقل وجهه نظر ملايين الناس اللى زعلانة مننا
شكرا يا شباب