وجهة نظر أهلاوى

أنا عارف انى الكلام اللى هقوله مش هيعجب ناس كتير أهلاوية فى المنتدى بس دى وجهة نظر إحنا ليه بنزعل لما حد بيتكلم عن معدل أعمار لاعيبة الأهلى طب ليه مش بنفكر فى المستقبل لما اللاعيبة دى هتعتزل هيوقع الفريق فلازم من دلوقتى ننزل بأعمار اللاعيبة وفى أسماء لازم نقولها شكرا وكفاية كدا وفى اكتر من اسم سواء لكبر السن او ضعف المستوى والمشكلة احنا ناس بنبص للاسم بس يعنى زى بركات اصاباته كتيرة ومستواه نزل وفى لاعيبة تانية كتير زى اينو اللى مبيعرفش يوقف الكورة او يبصيها فلازم لجنة الكورة تتدخل وبلاش المحسوبية (بركات-اينو-أسامة حسنى-فضل-أحمد السيد-فرانسيس-محمد سمير)دول يتوجهلهم الشكر وكفاية كدا وياريت نبطل نشترى لاعيبة والله فى الناشئين لاعيبة جامدة لو خدوا فرصتهم هيكونو فريق مرعب وفى كل مركز فى ناس كويسة فى الناشئين يعنى الدفاع ربيعة من فريق 17 ولؤى وائل ومحمد عبد الفتاح من فريق 20 وفى الشمال حسين السيد وده زى مارسيلو لاعب ريال مدريد وفى حسين غنيم فى اليمين وفى الارتكاز فى مانجة وفى لاعب فى فريق 17 اسمه سيد الشبراوى لاعب رهيب وفى الهجوم فى علاء عبد النبى وأحمد حسن وعمرو جمال وصناع اللعب فى السيد العربى وعبدالله عبد العظيم ده غير اللاعيبة اللى فى الفريق الاول سعد سمير وشكرى وعفرتو وطلعت وتوبة بعد ميخلص الاعارة وفى علاء شعبان وعبد الرحمن أحمد وفى حاجة اللاعيبة دول لو اتصعدو للفريق الأول مش خياخدو كتير يعنى اللى بياخده بركات فى الموسم (6 مليون)هياخدوه اللاعيبة دول كلهم ودول أبناء النادى يعنى بيحبو النادى أكتر من أى حد لأنى معظمهم لعبوا فى النادى من سن 8أو 9 سنين يعنى قعدو فى النادى أكتر ماقعدو فى بيوتهم .