عندما تثبت أنك مشجع حقيقى

فترة كبيرة وفية انقطاع لعدد ليس بقليل من جمهور الاهلى عن مباريات الفريق..أما لتوقيت المباريات فى وسط الاسبوع..او تكلفة الذهاب للاستاد او حتى معاناة الدخول اللى كانت موجودة قبل الثورة او يمكن لكثرة القنوات اللى بتنقل المباريات مع تحليلها

ممكن تكلفة الذهاب للاستاد متفرقش كتير عن وجودك على كافية مثلا او مشاهدة فيلم سينما..بس عمرك ما هتنتمى لاى مكان من دول...لكن اكيد منتمى للاهلى

الفترة القادمة اللى هيكون الاهلى فيها محتاج كل اهلاوى يكون متواجد فى الاستاد..يا ترى ساعتها هتبقى مشاهد للاهلى ولا

مشجع..المشجع لية مكان واحد داخل المدرج

ممكن تقعد فى بيتك وتتفرج على تحليل..واعادة وتفحيص وتمحيص لحد ما تحفظ الماتش اكتر من كتاب فيزياء

بس بأمانة فى لحظة الجون لما تفرح بية هيكون كام واحد جنبك وانت بتحتفل بالجول..او مثلا فرصة غريبة ضاعت..عمرك ما هتعرف قيمة اللحظات دى او متعتها غير داخل الاستاد..لما رد الفعل دة يشاركك فية الالاف داخل المدرج

مش بطلب منك انك تبقى التراس تسافر برة القاهرة وتروح فى كل بلد..بس بطلب منك انك تبقى اهلاوى..فكر انك تساند الفريق المفترض انك بتشجعة وبتابعة على طول - استاد القاهرة مش بعيد

فى اوروبا فية فرق فى القاع والوسط بتبقى الاستادات متقفلة فى مباريات تافهه ولا ليها اى اهمية.. طب الاهلى فى اخر مباراة فى افريقيا ومفتاح الوصول لدور الثمانية اللى هو اقوى مراحل البطولة

يا ترى هتسيب فرقتك فى اليوم دة ولا هتكون فى الاستاد..يا ترى هتفكر تستمتع بالاستاد والتشجيع بكرة..حتى لو معندكش قدرة انك تقف طول الماتش تشجع..مجرد وجودك فى الاستاد لابس تى شيرت الاهلى هو قمة الانتماء للكيان اللى انت بتشجعة

عامة دة كان مجرد اقتراح ممكن ناس تقبلة وناس تفضل على موقفها وتتفرج على التلفزيون بكرة

بس اللى بيحب فرقتة بجد ..أن شاء الله هيكون موجود بكرة