حلم كل واحد أهلاوى

حلم كل واحد أهلاوى هو( ستاد صالح سليم
) نفسى الأهلى يبقاله ستاد ومش أى ستاد حاجة كده زى ملعب البرنابيو ملعب
ريال مدريد أو السانسيرو ملعب اسى ميلان وانتر ميلان أو ملعب أولد ترافورد
ملعب المانيو يونايتد كل مباراة بشوفها للفرق الأوربية بفكر ليه ميبقاش
للأهلى ستاد خاص بيه وزى الفرق دى وأحسن كمان هو ايه المانع فى كده من 10
سنين ومجلس الادارة بيقولو إنهم هيبتدو فى ستاد الأهلى وإنهم بيبنو السور
الخاص بالملعب يعنى ليهم 10 سنين بينو فى السور ولسه مخلصوش طب هياخدو كام
سنة فى الملعب 100 سنة ولا أكتر مش قادرين يعملو المهمة دى يسيبو مكانهم
لأى حد يقدر ينجزها طبعا ناس كتير هنا فى المنتدى هتقولك استقرار النادى
أهم من أى ستاد والمجلس ده مستقر ولازم يقعدو لأنهم أدرى بالنادى الكلام ده
مش صحيح لأنى الأهلى فيه قواعد ونادى ليه تقاليد وأى حد بيمسك النادى
بيمشى عليها يعنى اللى عملو الفريق مرتجى هو اللى عمله صالح سليم وهو اللى
هيعملو أى حد هيمسك النادى بشرط انه يكون رياضى ولعب فى النادى مش رجل
أعمال وكمان هيقولو مفيش فلوس والنادى بيعانى من أزمة بس لو مجلس الادارة
طرح فكرة إنشاء ستاد الأهلى شركات كتير هتتقدم وهما اللى هيتكفلو ببناء
الملعب الجديد نظير نسبة من الاعلانات وأقساط سنوية ده غير إنى مجلس
الادارة هيفتح باب العضوية للفرع الجديد شوف كام الف واحد هيشتركو فى الفرع
الجديد يعنى نادى الأرسنال بنى الملعب بتاعه عن طريق القروض والأهلى مش
هيعمل كده طبعا لأنه هيجمع الاشتراكات الفرع الجديد وكمان الأرسنال اتفق مع
شركة طيران الامارات انى الملعب يسمى طيران الامارات لفترة معينة (20عام)
وكان فى كلام من فترة إنى طيران الامارات هتاخد رعاية النادى وكمان اتقال
انى رجل الأعمال الكويتى الخرافى عرض على النادى الأهلى بناء الفرع الجديد
مقابل الحقوق الاعلانية للنادى يا جماعة نفسى كد نبقى زى فرق أوربا يعنى
ملعب اليوفنتوس الجديد هيدخل للنادى ما بين 30و40 مليون يورو سنوية ودى
الإشتراكات السنوية (التذاكر) يعنى 40 مليون من التذاكر بس وسعة الملعب 41
الف متفرج والكابتن الخطيب بيقول انه نفسه يشوف ملعب الأهلى الجديد قبل ما
يموت طب إيه اللى مانعك يا كابتن يا ريت تتحركو بقى وتبتدو فى الفرع
الجديد وميكونش أقل من 80 ألف متفرج (أنا عارف إنى طماع فى حكاية السعة و80
ألف بس ان شاء الله يتبنى الاستاد ويكون بالسعة دى وبالمواصفات العالمية)