تجمع ماتش سموحة

بسم الله الرحمن الرحيم



من بداية الموسم وجمهور الاهلى واثق فى فرقته كالعادة

جمهور الاهلى عرف الناس كلها يعنى ايه كلمة مساندة من بداية الدورى لاخره

حتى لو كنت متأخر بفرق نقط كتير مش مشكلة

المهم مساندة الكيان

عالحلوة والمرة معاه مش بس جملة فى اغنية

لا ده واقع وملموس

بعد حفلة الدربى وكسر عين البوابين زى النسوان

مبقاش فى كلام تانى ممكن يتقال عن جمهور الاهلى

وخلاص هانت

الماتش اللى جاى فى احتمال يكون ماتش حسم الدورى فى حالة فوزنا ان شاء الله

وتعادل البوابين او خسارتهم

مش هينفع نقول او نأكد على حد الحضور

بس تخيل الاهلى واخد الدورى ان شاء الله وانت بتتفرج فى التليفزيون

هيكون ايه احساسك ساعتها ؟؟!!!!!

جمهور الاهلى هيكمل اللى بدأه من أول الموسم واحنا واثقين من ده



الماتش يوم الاحد الساعة 4.30 فى ستاد القاهرة

احنا هنتجمع الساعة 1 عند الشبراوى

معاد التجمع مهم لاقصى درجة عشان نلحق نظبط دخلتنا

الحضور بتى شيرت الاهلى او تى شيرت اقوى جروب فى افريقيا

الالتزام بتقسيمة السكاشن فى الـ3 مدرجات ضرورى

جمهور الاهلى اللى هيحضر الماتش محدش يلبس تى شيرت لاى فريق اوروبى

والتعاون مع أعضاء الجروب



يالا يا أهلى الدورى بيناديك