الاولتراس والاجازة

هتعمل اية فى الاجازة !!!!
دة السؤال الى بيحير اغلب منتمى فكرة وحركية الاولتراس
اكيد فى ناس كتير فاكرة ان الاولتراس لية اجازة وهى نهاية موسم الالعاب للنادى المفضل ليك
والاجابة هى لا !!
طيب لية ملهاش وانا هعمل اية وانا فريقى واقف وفى عطلة رسمية يبقى انا زية ؟
والاجابة برضة لا !!
لا لية ؟
اقولك !
الاجابة كانت لا لان انتة ارتباطك بناديك ارتباط فعلى فى كل الاوقات ومهما يكون فريقك تفضل مرتبط بية
لكن بمجرد ان فرقتك تقف عن اللعب
انتة بتفضل شغال لان عقلية الاولتراس جواك مبتحبش الوقوف
مبتقفش ابدا ديما تحب التفكير والعمل والتجديد
طيب انا اعمل اية بالظبط انتة محددتش لية حاجة اعملها ؟
لا فى حاجات كتير
زى اية ؟؟
اولها كمل عالم الجرافتى الخاص بيك وابدع فى الرسم
واعمل جرافتيات للجروب فى كل مكان
متكتفيش بكتابة كلمة ua07
لا اعمل جرافتى ازرع عقلية الرسم جواك اوصاحبك فى الجروب الى بيرسم انتة
بتلون وراة ولو مش قادر ترسم اصنع الفكرة
اخترع فكرة فى دماغك تكون جرافتى
طيب واية تانى اعملة ؟؟
لو ليك فى الاغانى ابعت الاغانى او ابعت كلمات او ابعت حتى الحان والناس عندنا بتعرف تظبط الدنيا كلها
فكر فى كلمات وقبل متبعتها وخلاص حسها وحس ان الناس بتغنيها فى المدرج
بمعنى عيش الاغنية كفرد اولتراس بيغنيها
طيب واية تانى ؟؟
فكر فى دخلات بقى شوف خطوط ناديك وجروبك
واصنع فكرة دخلة ممكن تكون قلت فكرة دخلة والمسئول قالك مش حلوة عشان حاجة معينة او ممكن يقولك
فى احسن من كدة فكر
حاول تجمع فكرة جنب فكرة
اصنع المسج واعمل علية الفكرة
فكر فى دخلات على مستوى جروبك وبرضة خلى عندك احساس ان الدخلة متكونة قدامك فى تالتة شمال
هتبقى عاملة ازاى !
طيب اى تانى ؟؟
فكر فى اتندارات وصنانير
فكر فى تصميمات صنانير واتندارات او كلام او شكل معين
او فكرة لصنارة بشكل معين ونفس الامر للاتندر
وقول للمسئولين اية رايكوا وشوف اية الرد !!
كل دة انتة مطالب بية
خد بالك الحاجات دى كلها انتة بتعملها لان انتة فعلا بتحب الجروب ولان انتة راجل اولتراس
انتة جواك حاسس ان كل دة شئ عادى والعادى انك تشتغل لجروبك
وبما انك اولتراس مخك مبيقفش عن التفكير والابداع
مستنينك يا اولتراس هتورينا عملت اية فى اجازتك