تجمع ماتش المولودية

بعد فترة غياب وتوقف للماتشات وبعد سفر الجروب لتونس فى ماتش الترجى
بنرجع لأول ماتش فى الموسم على ستاد القاهرة
بنرجع والاهلى معاه نقطة واحدة من ماتشين
يعنى الماتش ده نقطة فاصلة فى مشوار البطولة
مينفعش يكون فى تقصير
ماتش جماهيرى وبس
مش مستوى فرقة ولا صفقات جديدة ولا اى حاجة غير الجمهور
يعنى مينفعش تكون بتهتف عاوزين شوية رجولة وانت طول الماتش تكون مقصر
والاوقات دى اللى بتبين الاهلاوى اللى بجد
وانت مش اهلاوى عادى انت أولتراس
الفترة الاخيرة فى قرارات وحاجات كتيرة اتنفذت فى الجروب
الماتش الجاى هيكون اول ماتش فى تطبيقها
لازم الالتزام بكل اللى بيتقال وكل اللى تم الاتفاق عليه
الماتش الساعة 9.30 فى ستاد القاهرة
احنا هنتجمع قبل الفطار الساعة 5.30 عند الشبراوى
كله يلتزم بالمعاد
رجالة الديفيلز عندهم دخلة وهيكونوا شغالين فيها
الرجالة اول ما تدخل تساعدهم وتفهم الجمهور
دخلة الديفيلز هى دخلتك لان الكل واحد والمصلحة واحدة
حضورك بتى شيرت الاهلى او تى شيرت الجروب
والالتزام بتعليمات الناس المسئولة

بالتوفيق للاهلى