الحل الوحيد للخروج من كابوس مجزرة بورسعيد .

والله العظيم ماليها حل غير شطب النادي المصري,

الي حصل مصيبه قتل فيها شباب من كل المحافظات قاهره أسكندريه سويس منصوره شرقيه أسوان أقصر ...الخ

يبقي النادي دا هيلاقي مكان فين يلعب فين حتي لو نزل درجه تانيه أو حتي رابعه ؟

دا غير أن أي مشجع لهذا النادي حياته هتكون في خطر !وما أكثر المتعصبين الي مش هيسكتوا خصوصا الألتراس الأهلاوي ..

أهالي بورسعيد ذات نفسهم عايزين يطلعوا من هذا الكابوس ويبرؤوا المدينه الباسله الي ديما أسمها كان مقبره للغزاه علي مصر علي مر العصور .

من ينسي العدوان الثلاثي علي مصر وبورسعيد وأسماعليه والسويس سد منيع ضد أي غازي .

وعبد الحليم يتغني ببورسعيد كنا نار أكلت جيوشهم نار تقول هل من مزيد ..وانتصرنا ولسه عارهم في تراب بورسعيد .

وشاديه أمانه عليك أمانه يامسافر بورسعيد امانه عليك أمانه لتبوسلي كل أيد حاربت في بورسعيد ,

يااااه مدينه مصريه بين ليله وضحاها أصبحت من باسله لقاتله !

كل دا عشان نادي وشوية مشجعين قتله مغفلين .

تاريخ بورسعيد النضالي لن يمحي لأنه شرف لكل مصري .

لكن النادي والأستاد الملطخ بالدماء والقتله من الألتراس بتاعهم الي مزبلة التاريخ !!

أذن الحل الوحيد للخروج من هذه الأزمه لبر الأمان والحفاظ علي وحدة مصر وعدم سيلان أي نقطة دم مصريه أخري .

بشطب هذا النادي وتحويل ملعب بورسعيد لأي عقار أخر ..

عدم الرأفه بكل من يثبت تورطه في هذه المجزره حتي لا يظطر المظلومين وماأكثرهم علي أرض مصر أخذ حقوقهم بأنفسهم ونتحول الي غابه

الشعب المصري طفح خلاص وزمن السكوت علي أهانة المصريين بكوارث كالعباره والقطار الصعيد والدويقه وغيره انتهي ..

فاحذروا لكل من يطالب بعودة الدوري أو يتخيل بأن القضيه هتموت زي مامات غيرها دون القصاص العادل وتطبيق العقوبات المستحقه الرادعه!!