&&&& ثــــــُِـــــــــــــــــورة جـــــــــــديـــــدة &&&&

ايوة ثورة جديدة وثورة فعلا تغير بجد مش مجرد محطة نقف عندها ونرجع تانى الف محطه ومحطة ..

ثورة على الفساد الرياضى وعلى الفساد الاعلامى وعلى الفساد فى مختلف منظومات الدولة المختلفة ...

ايوة الالتراس له سلبيات وسلبيات كثيرة , ولكن بيانه انهارده فيه امل وفيه طموح لاى انسان فعلا نفسه مصر تتغير

والرياضه للاسف سبناها وقت كبيرة بحجة الاستقرار والامان , لكن الواضح لاى انسان بيقول الحق ان البلد بقت بتواجه ازمات فى كل امور الحياه وبقت مصعبه علينا كل امور الدنيا

هى الناس الى واقفه عند مجلس الشعب دى بطالب بايه !

بطالب بمصلحه بزيادة مرتبات , بطالب بتقسيم الدولة , بطالب بمطالب فئوية ! لا

الناس دى بطالب اننا ناخد وضعنا الحقيقى والى سلب مننا لفترات كبيرة اوى ولسه لحد دلوقتى " الاعلامى الرياضى " بيحاول يوهم الناس ان كل دول ما هما الى خونة للبلد ولمصلحتها ... رغم ان كل حاجه الدولة بتعملها دلوقتى بضر بالمواطن , بدايه من ازمة السولار والبنزين والبوتجاز والعيش والمواصلات والشغل وانعدام الامن ومهرجانات البرأة للجميع .. واستمرار الاعلام بكذبه ونفاقه وتعمية الناس عن الحق ...

انا مشارك فى الثورة والى شوفته من بعد الثورة هو تقسيم للمكاسب من بعض الفئات المجتمعيه الى ليها مصلحه ان البلد فعلا تستقر دلوقتى ..

لكن الى بيتعب كل يوم عشان يجرى ورا اكل عيشه وتعب اكتر عشان يعيش بحريه وبكرامة وبعدل ياخسارة فقد كل شىء كان بيحلم بيه بحجة الاستقرار المطلوب , رغم ان مفيش استقرار فى اى شىء فى المجتمع وفى الوسط الرياضى ...

الى فعلا نفسه مصر تتغير وحاسس انه دم الناس دول غالين عليه وكان ممكن يكون واحد منهم فى يوم من الايام وميلاقيش الى يقف ويصرخ ويدافع عن دمه ...

لازم ينزل دلوقتى ويساند رجاله الالتراس وكل الثوار الاحرار الى حلمهم الوحيد مش مطلب شخصى ولكن تغير نظام ضيع الكتير من شباب مصر ولسه بيضيع اكتر من الى فات

العيب مش من النظام لكن العيب من الى ساكت عليه ..

انا من القاهرة ونازل دلوقتى حالا ان شاء الله وكلى امل وطموح ان حلمى وحلم كل الناس الى ماتت يتحقق .. لاننا فعلا تعبنا ولانى بحاول احافظ على كرمتى ..

حاجه اخيرة : ممكن اننا منجحش ومنقدرش نعمل ثورة جديده وده لا يعنى ابدا فشلنا ولكن على الاقل اكون راضى ضمير وبحاول اكمل الطموح الى كان نفسى احققه لما طلعت يوم 25

الاعلام ممكن يصور كل الى واقف بالتقليل بشأنه او حتى انه يتهمهم بالعماله او الخيانه او البلطجيه زي كتير من مات قبلنا .. لكن ده عمره ما هيقتل طموحنا وفكرتنا واملنا فى تغير بلدنا