تجمع ماتش وادى دجلة

أحلى ما فى دورى السنة دى مش المنافسة

احلى حاجة ان الكل يفضل عايش فى الوهم

خلى الكل يحلم بس النهاية هتكون طبيعية ان شاء الله

نهاية الكل متعود عليها ان الدورى يكون فى الجزيرة

وعشان تيجى النهاية دى

مش هيحصل غير بالجمهور اللى دايما واقف ورا الفرقة

بيحاولوا يمنعوا جمهور الاهلى عن مساندة الفرقة بكل الطرق الممكنة

وبكرة فى ماتش وادى دجلة

تحدى من نوع مش جديد علينا

ادارة وادى دجلة عاملة التذاكر بأسعار غالية

بيحاولوا على قد ما يقدروا يمنعوا الجمهور

بس هما مش فاهمين ان ده جمهور مفيش حاجة تمنعه عن تشجيع الاهلى الا الموت

اللى عنده شغل هيخلص ويطلع عالاستاد

اللى عنده امتحان هيخلص ويطلع عالاستاد

اللى فاضى هيجمع صحابه فى المنطقة وييجوا عالاستاد

الماتش 8.30 فى ستاد الكلية الحربية

احنا رجالتنا هنتجمع الساعة 4.30 عند النساجون

فى دخلة ان شاء الله

الكل بتى شيرت الاهلى او تى شيرت الجروب او اى تى شيرت احمر

تعالى وشجع الفرقة 90 دقيقة

عشان لما ناخد الدورى ان شاء الله

هتحس بفرحته عن اللى كان بيتفرج من التليفزيون

التأخير ممنوع



الدورى يا أهلى