تجمع مباراة الديربى

موسم شاق .. انتصارات وانكسارات

لكن جمهور الاهلى فضل على مستواة وعلى قدر المسئولية لحد ما وصل بفريقة للقمة

ومعنى انك توصل ليها يبقى الطبيعى انها بقت ملكك ومستحيل تتنازل عنها

كل اهلاوى كان واقف جنب فريقة من اول مباراة فى الدورى لحد مباراة الاسماعيلى السابقة

هو ببساطة اول واكبر سبب فى تصدر الاهلى للدورى

وبأذن الله هنكمل مشوار النجاج بالفوز بالدورى

بكرة يوم مينفعش تفوتة.. بكرة حفلتك السنوية ..اللى كل سنة بتكون موجود عشان تسمتع فيها بأبداع جديد من جمهور الاهلى

أن شاء الله هنتجمع بكرة الساعة 11 قدام البانوراما (مدخل تالتة شمال)

عشان نعرف ونقسم دور كل واحد فينا هيبقى أية داخل المدرج

لو عندك امتحان خلص وتعالى على الاستاد

لو عندك شغل أستأذن بدرى وتعالى على الاستاد

مينفعش تفوت اليوم بكرة

بأذن الله بكرة جمهور الاهلى هيجيب الفوز لفريقة

هنحتفل بالدورى بأذن الله

زى ما فية ثقة مننا فى فرقتنا.. اللاعيبة وائقة ان بكرة مش هيكون فية مكان واحد فاضى فى التالتة شمال

كلة بتى شيرت الجروب او تى شيرت الاهلى او على الاقل تى شيرت احمر

متلبسش تى شيرت اى فريق اجنبى .. انت اهلاوى افتخر واعتز بفريقك

احنا اللى هنجيب الفوز.. احنا اللى هنحفز 11 مقاتل اهلاوى فى الملعب

هتغنى هتشجع هتستمتع .. هتنتصر ان شاء الله